Prej disa ditësh në media po qarkullon një foto e një sënduku të mbyllur e publikuar nga reperi Capital T, i cili ka paralajmëruar për një suprizë gjigante që do të sjellë në Tiranë.
Më herët u mësua se bëhet fjalë për një koncert madhështor nga reperi, i cili së fundmi ka zbuluar edhe detaje të tjera nga surpriza.
Në një video të publikuar në profilin e tij në Instagram, Capital T ka treguar për ndjekësit se si do të jetë e ndërtuar skena e koncertit dhe krahas postimit zbulon se kjo ka qenë ëndrra e tij që prej fillimeve të karrierës.
“Mbajeni mend këtë datë 19.09.19
Koncerti i parë i karrierës time, i ëndërruar nga unë që në fillimet e mija po bëhet realitet.
Dëshira, vullneti, puna e pa lodhur e një prej skuadrave më të mira po bëjnë të mundur që 19.09.19 të mbetet gjatë në kujtesën e secilit prej nesh. Sheshi Nënë Tereza.”- shkruan Kapo në postim, ndërkohë që kanë vërshuar menjëherë komentet ku fansat tregojnë se po e presin me padurim.
