Këngëtarja shqiptare Bleona Qereti jeton tashmë prej kohësh në Shtetet e Bashkuara të Amerikës, ku veçse si këngëtare, ka nisur edhe karrierën e saj si aktore.
Së fundmi, Bleona ka përfunduar xhirimet e një filmi horror të një produksioni amerikan.
Filmi titullohet “Dead trigger” dhe së shpejti do ta mësojmë edhe datën e publikimit të tij.
Në profilin e saj në Instagram, Bleona publikoi trailerin e filmit, duke falenderuar produksionin për mundësinë që i dha.
“Kur e xhirova këtë film, po shpresoja që ta kaloja frikën që kisha kur shikoja filma horror. Jo. Jam ende e frikësuar, megjithëse e kam të qartë sesi e bëjnë.”- shkruan këngëtarja shqiptare krahas videos.
View this post on Instagram
Ende nuk dihet se ç’rol do të ketë në film Bleona, megjithatë mbetet të presim ende për të mësuar më shumë detaje.
