“Kujt po i han” mban titullin kënga më e re e këngëtares shqiptare, Enca, që pritet të publikohet së shpejti. Këngëtarja ka përfunduar xhirimet e klipit dhe në profilin e saj në “Instagram” na ka prezantuar me transformimin e rradhës. Nëse nuk do lexonim se është Enca, do ta kishim besuar se bëhej fjalë për personazhin e filmave të animuar “Jessica Rabbit”.
Enca mban një paruke të kuqe me ondet e famshme të kthyera në një anë, ndërsa shfaq në foto vetëm gjysmën e fytyrës. Ndërkohë që siç “Jessica Rabbit” mban veshje të guxishme ku bie në sy dekoltea e saj, edhe Enca ka bërë të njëjtën zgjedhje.
Mesa duket, këngëtarja është frymëzuar nga personazhi i filmave të animuar për këngën e re dhe mezi presim të shohim sesi kërcimet sensuale të “Jessica Rabbit”, do të vijnë në versionin e Encës.
