Ndoshta çelësi i suksesit të saj është pikërisht vetëbesimi!
Këngëtarja Enca thuajse gjithmonë ja del të kryesojë qoftë në tregun muzikor, në rrjetin social Instagram apo edhe në media të ndryshme rozë!
E teksa duket se po shijon pozicionin e “Mbretëreshës së Instagramit” ku numëron plot 1.9 milion ndjekës, Enca nuk harron t’ju rikujtojë kolegëve të saj se është e para!
Për hir të numrit të lartë të ndjekësve që ka, duket se bukuroshja ruan një kontakt të përditshëm virtual me fansat duke postuar herë pas here foto apo video në Instastory!
Në këtë të fundit, Enca ka publikuar një video ku zbulohen sipas radhës VIP-at më të ndjekur në rrjetin social Instagram.
Mbi të shkruan: “Numri një përgjithmonë! S’ka ‘Influenca’ pa Enca!”
Në radhitjen në fjalë renditet në vend të parë Enca, në vend të dytë Luana, në vend të tretë Era Istrefi, në vend të katërt Noizy dhe në vend të pestë Xhensila Myrtezaj!
Pavarësisht se ndodh që në të shumtën e rasteve shumë persona lënë që të flasin të tjerët për suksesin e tyre, këngëtarja e talentuar nuk vuan nga modestia, ajo krenohet vetë për suksesin e saj!
