Duket se suksesi i hitit veror “Bow Down” është pritur mirë nga dy këngëtarët Enca dhe Noizy, madje aq mirë sa secili prej tyre ka dashur të marrë merita për të.
Pas arritjes së 30 milionë klikimeve në Youtube, ka qenë Enca e para ajo që ka shprehur gëzimin për suksesin duke shkruar në “Instagram”: “Jam kaq e lumtur që shoh se si një këngë që unë e kam shkruar me kaq dashuri dhe pasion, sapo ka arritur 30 milionë”, është shprehur Enca duke konfirmuar se ajo është autorja e tekstit.
Por menjëherë pas këtij postimi ka reaguar Noizy, i cili ka korrigjuar Encën duke i thënë se e ka krijuar ai këtë hit: “30 milionë, sa për të korrigjuar @Encahaxhia është diçka që unë e kam krijuar në rast se harrove. Dhe po, je e falur. Paqe”.
Pak kohë më pas, të dy i kanë fshirë këto statuse aspak të këndshme nga faqja e tyre në “Instagram”, ndërsa Enca ka vijuar me disa postime të tjera në “Snapchat”, të llojit: “Unë dhe ai ishim të pandarë…”
*Shfleto galerinë
