Pasi theu rrjetin me dy këngët e saj gjatë kësaj vere, “Ku mete” dhe “Break Down” në bashkëpunim me Don Xhonin, Enca Haxhia duket se ka ende energji edhe për pjesën e mbetur të verës.
Këngëtarja ka ndërmend të na surprizojë sërish dhe me shumë gjasa po gatuan një hit me këngëtarin algjerian Soolkin.
Ky i fundit u bë tepër i njohur për publikun shqiptar me bashkëpunimin “Zemër” me Dhurata Dorën, ndaj s’ia kemi aspak merakun edhe një kënge të re me Encën.
Kanë qenë komentet në Instagram ato që kanë ngritur aludimet për një bashkëpunim.
Enca ndau pak orë më parë me ndjekësit një foto bombë, e cila mori komente të panumërta, mes të cilave tërhoqi vëmendjen komenti i Soolking.
“Canicule”- shkroi këngëtari, fjalë e cila në ship përkthehet “Valë e nxehtë”.
“Po vje të të marrë ty”- ia ktheu Enca, duke na bërë tepër kuriozë për të ditur se ç’po kurdisin ata së bashku.
Mbase duhet të presim edhe pak për ta zbuluar.
