Harry Styles dhe Emily Ratajkowski janë bashkë. Dyshja u fotografuan në rrugët e Tokio-s duke shkëmbyer puthje pasionante. Ndonëse nga fotot u duk se e shijoi pafund atë puthje, tani EmRata është penduar.
Jo për puthjen, por që këtë ia bëri mikeshës së saj. Modelja po bën çmos për t’i kërkuar ndjesë Olivia Wilde, ish-it të Harry-t. Para kësaj ngjarje, Emily dhe Olivia janë parë disa herë nën shoqërinë e njëra-tjetrës, madje edhe në koncertin e Harry-t.
Sipas burimeve për mediat e huaja veprimi i Emily-t ndaj Olivia-s u konsiderua si tradhti dhe se kjo e dëmtoi miqësinë e tyre.
Ndërsa Oliva nga ana tjetër nuk ka bërë asnjë reagim në lidhje me puthjen e ish-partnerit me mikeshën e saj.
Kujtojmë që Harry Styles dhe Olivia Wilde u ndanë në nëntor të 2022 pas gati dy viteve lidhje.
Ata u lidhën për herë të parë në janar 2021, gjatë xhirimeve për thrillerin Don’t Worry Darling. “Harry dhe Olivia patën kimi pothuajse menjëherë në xhirime,” u tha dy vite më parë.
