Afërdita Dreshaj dhe sportisti çek, Jakub Kindl, shumë shpejt do të bëhen prindër për herë të parë.
Këngëtarja do të sjellë në jetë një djalë, ndërsa ky lajm i bukur bëri xhiron e rrjetit pak javë më parë.
Pasi zbuluan gjininë në mënyrën më të bukur, Afërdita dhe partneri kanë treguar se i kanë nisur përgatitjet për bebushin që tani.
Megjithëse është në muajin e gjashtë të pritjes së ëmbël, koha kalon shpejt dhe gëzimi për të marrë në krahë të voglin është tepër i madh.
Madje, duket se çifti është “fiksuar” pas bebushit, të cilit i rrinë “mbi kokë” dhe ndjejnë çdo lëvizje të tijën.
Së fundmi, këngëtarja ka ndarë në InstaStory momentin emocionues kur djali ka gjuajtur barkun e saj, ndërsa krahas postimit shkruan:
“Gjëja më e lezetshme të ndjej gjuajtjet e tij.”- shkruan Afërdita.
“Edhe ai i dashuron”- shkruan ajo krahas një tjetër postimi ku duket Jakub, i cili ka mbështetur kokën mbi barkun e partneres.
