Gjatë emisionit të ditës së sotme “E diela shqiptare”, moderatori dhe producenti Ardit Gjebrea zhvilloi një intervistë me Prefektin e Qarkut të Tiranës, Toni Gogun dhe bashkëshorten e tij Edin, në rubrikën “Gjysma ime”.
Çifti tregoi për publikun marrëdhënien e tyre të bukur të dashurisë, ndërsa Edi tregoi se mërzitet shpesh kur bashkëshorti i tij Toni i kushton më shumë vëmendje punës sesa familjes.
Kështu, Gjebrea i kërkoi në bisedë e sipër telefonin stafit të tij, dhe i ka telefonuar bashkëshortes për t’i thënë që e do.
Ardit Gjebrea: Kur është në punë, kujdeset për ty?
Edi Gogu: Përpiqet, më dërgon mesazhe, më dërgon ndonjë nga ato zemrat dhe nëse ndonjëherë nuk ka kohë, në darkë i them “po sot?” (qesh).
Ardit Gjebrea: Ari ma sill pak telefonin të lutem. Më duhet të bëj diçka. (Telefonon bashkëshorten e tij në telefon).
Anila Gjebrea: Jam tek grimi.
Ardit Gjebrea: Jo thjesht të mora për të të them të dua, kaq, mirupafshim.
Anila Gjebrea: U sa i mirë që je, edhe unë të dua.
Edi Gogu: E shikon Ardit, me një fjalë!
Ardit Gjebrea: Faleminderit.
Toni Gogu: Është magjistare.
Katër ditë më parë, Ardit Gjebrea dhe bashkëshortja e tij festuan 30-vjetorin e martesës.
Arditi ka zbuluar se me këtë rast i ka dhuruar bashkëshortes një tufë me trëndafila të kuq, si shenjë dashurie e mirënjohje për gjithë këto vite martesë.
Mirëpo dhe Anila nuk ka mbetur pas me surprizat dhe i ka dhuruar po ashtu Arditit një tufë me trëndafila të bardhë. Por e veçanta në tufën e saj qëndronte tek dy trëndafilat në mes, një blu për djalin e tyre, Jonin dhe një rozë për vajzën e vogël të shtëpisë, Annën.
“Ja dhe 30 trëndafila nga zemra ime me 2 bebat në mes”, ka shkruar Gjebrea.
Kujtojmë se para disa ditësh moderatori udhëtoi drejt Dubait bashkë me Anilën dhe Annën, që e marrin kudo me vete. këto ditë ju shërbyen atyre për t’u relaksuar, festuar Vitin e Ri dhe me siguri edhe përvjetorin e martesës.
