Mbrëmjen e sotme në emisionin “Dua të të bëj të lumtur” ishte historia e dhimbshme e një motre dhe një vëllai. Izra dhe Xhuljo ishin sprovuar nga fati i keq në një moshë të vogël. Para dy vjetësh mamaja e tyre kishte humbur jetën si pasojë e një sëmundjeje të rëndë.
Ndërkohë që e ëma ishe e sëmurë, Izra ishte kujdesur gjatë gjithë kohës për të vëllanë. Madje ajo kishte ndërprerë edhe shkollën për t’i qëndruar atij pranë.
Për t’i kthyer buzëqeshjen vëllait të saj të vogël, i cili e kishte përjetuar më keq nga të gjithë humbjen e së ëmës, Izra e kishte ftuar në emisionin “Dua të të bëj të lumtur”, për ta surprizuar me futbollistin e tij të preferuar, Armando Sadikun.
Ajo i premtoi Xhuljos publikisht se do t’i qëndronte gjithmonë pranë dhe se ai nuk ishte vetëm pasi kishte atë, babin dhe një ëngjëll që kujdesej nga lart për të.
“Ti je drita e syve të mi, unë të dua shumë, nuk di si të ta shpërblej që më ke rritur”, – u shpreh Xhuljo.
Ardhja në studio e futbollistit Armando Sadiuku e emocionoi pa masë Xhuljon, i cili dëshironte të bëhej futbollist.
“Ke një motër që të do shumë dhe më ka treguar që të pëlqen shumë futbolli. Duhet të kesh shumë vullnet dhe të stërvitesh përditë që të bëhesh një lojtar i zoti. Për këtë gjë të uroj shumë suksese”, i tha Sadiku.
Ai i dhuroi Xhuljos dhe Izrës, fanellën e tij të Kombëtares
