E Bukura dhe Bisha u shfaqën bashkë për herë të parë pas përfundimit të xhirimeve në premierën e filmit që u mbajt në Londër.
Emma Watson dukej e pabesueshme e veshur me një fustan të bojëqielli me pelerinë, i denjë për një mjedis përrallor si ai që ishte krijuar. Ajo pozoi në krah të Dan Stevens, i cili luan rolin e bishës / princit të bukur, dhe kolegëve të tjerë të famshëm, në Spencer House në Londër të enjten.
Aktorja britanike, 26-vjeçare, u sigurua që të gjithë të kthenin kokët për të parë fustanin magjepsës me shpatullat jashtë. Bukuroshja kishte kapur flokët ndërsa makijazhi i thjeshtë i shfaqte asaj bukurinë natyrale.
Dan Stevens nuk mbetej mbrapa, pasi ishte kujdesur për t’u dukur shumë ndryshe nga roli i tij i Bishës në film. 34-vjeçari kishte zgjedhur një kostum blu të errët dhe një kravatë të zezë dhe këmishë të bardhë.
