Fansat që shpresonin të shikonin Beyonce-n të performonte në “Coachella” këtë vit, duhet të presin deri vitin tjetër. Këngëtarja nuk do të performojë në festivalin e 2017-s, por në atë të 2018-s.
Beyonce, e cila është në pritje të binjakëve, mori vendimin pas një urdhri të marrë nga doktorët. 35-vjeçarja bëri këtë lajmërim, një ditë para se biletat të dilnin në shitje.
Ndërkohë që Beyonce zbuloi lajmin e shtatzënisë rreth një muaji më parë, organizatorët e “Coachella”-s nuk ishin në dijeni të këtij lajmi, deri në momentin që ajo postoi foton ikonë në “Instagram”.
Në një deklaratë të bërë ditën e enjte, producenti i festivalit ka thënë: “Si pasojë e këshillave të doktorëve për një orar më rigoroz në muajt e ardhshëm, Beyonce ka marrë vendimin të mos performojë në “Coachella Valley Music & Arts Festival 2017”. Pavarësisht kësaj, me kënaqësi ju konfirmojmë se ajo do të performojë në festivalin e vitit 2018. Faleminderit për mirëkuptimin”.
Burimi: Harper’s Bazaar
