Ylli i filmit “E Bukura dhe Bisha”, Emma Watson, ishte personazhi, që mbuloi koverin e revistës “Vanity Fair”.
Pas publikimit të fotografive, ky imazh me një bluzë të tejdukshme shkaktoi disa polemika.
Që atëherë, disa artikuj vunë në shënjestër Watson. “The Sun” publikoi një artikull me titullin “E Bukura dhe gjokset”.
Dhe një koment te “The Independent” vendosi në pikëpyetje zgjedhjet e saj.
Por shumë fansa e mbrojtën aktoren.
Vetë Watson foli për kritikat, në një intervistë për “Reuters”, duke thënë se feminizmi është rreth lirisë dhe komentet negative e bënë atë konfuze.
“Feminizmi është t’u japësh femrave të drejtën për të zgjedhur, nuk është një shkop për të gjuajtur femrat e tjera. Është liri, është çlirim, është barazi”, tha ajo.
Ajo shtoi: “Nuk e di se çfarë lidhje ka gjoksi im me këtë”.
Pyetur për foton në fjalë, aktorja tha: “Për foton në fakt unë u befasova, sepse ne po bënim kaq shumë gjëra të çmendura në atë set. Por ishte aq artistike dhe isha aq shumë e përfshirë dhe jam shumë e emocionuar, sesa interesante dhe të bukura dolën fotografitë”.
Burimi: BuzzFeed
