Emma Watson bëri sërish histori për barazinë gjinore natën e së dielës. Aktorja dhe aktivistja mori çmimin e parë “jo-gjinor” të aktrimit në “MTV Movie & TV Awards”, për performancën e saj si e Bukura në filmin “E Bukura dhe Bisha”.
Gjatë fjalës së saj, Emma preku rëndësinë e çmimit dhe se çfarë do të thoshte për të që të ishte personi i parë që e merrte këtë çmim.
“Çmimi i parë i aktrimit në histori që nuk i ndan kandidatët bazuar në seksin e tyre, tregon diçka rreth asaj sesi e perceptojmë përvojën njerëzore. Veprimi i MTV-së për të krijuar një çmim jo-gjinor për aktrimin do të thotë diçka ndryshe për të gjithë, por për mua kjo tregon se aktrimi ka të bëjë me aftësinë për të vënë veten në këpucët e dikujt tjetër”, u shpreh Emma.
Emma vazhdoi falënderimet për ata që e bënë të mundur rolin e saj si e Bukura dhe për të shprehur mirënjohjen e saj për përfshirjen në një film të tillë të larmishëm dhe frymëzues.
Burimi: Harper’s Bazaar
