Të na falin të tjerët për mungesën e modestisë, por themi “i preferuari”, pasi gjithë sondazhet e zhvilluara në fund të 2020 u kryesuan nga “Shiko kush luan”. Edhe në sondazhin e zhvilluar në faqen e “iconstyle.al”, Luana vodhi jo pak, por 82% të votave nga rreth 30 mijë pjesëmarrës.
Andaj mund të themi pa frikë se “Shiko kush luan” është padyshim një nga emisionet më të suksesshme që i ka rezistuar kohës dhe do vijojë ende të jetë nga të preferuarat e publikut. Edhe ky sezon ka qenë super i bujshëm me të ftuar interesantë që kanë thënë shumë të pathëna dhe na kanë argëtuar çdo të shtunë me lojëra të shumta.
Mirëpo, fatkeqësisht emisionit po i vjen fundit dhe tashmë kanë mbetur edhe 4 episode, pasi emisioni finalizohet në 30 janar. Ishte vetë Luana ajo që e ndau lajmin me ndjekësit e saj në rrjetet sociale. Ajo ka postuar dy foto ku shihet në zyrë duke pyetur ndjekësit se çfarë duan të shohin në puntatat e mbetura.
View this post on Instagram
Më 1 janar Luana solli një super spektakël, duke na falur një maratonë prej 4 orësh me të ftuar special, plot të pathëna, këngë e valle.
Mirëpo, ajo që po pyesin të gjithë është “Çfarë do bëjë Luana pas përfundimit të “Shiko kush luan”?”Ok, jemi të gjithë dakord se i meriton disa pushime, por më pas?
Kujtojmë se vitin e kaluar ajo ka patur në plan të transmetonte në ekranet shqiptare “Take me out Albania”, por për shkak të pandemisë planet nuk iu realizuan dhe ajo u rikthye në shtator me SHKL.
A do mundet ajo të vijë këtë vit me këtë emision? Na mbetet për tu parë.
