Moderatori Kelvi Kadilli mendon se emisioni grek “Gia Tin Parea” ka kopjuar konceptin e spotit të emisionit “Pop Culture”, që u publikua me 6 shtator 2017! Përmes një video të publikuar në profilin e tij në “Instagram”, Kelvi ndërthur dy spotet për të treguar bindjen e tij.
Në video, moderatori grek shfaqet me një shkop bejsbolli në dorë duke thyer një televizion të vjetër, ndërsa Kelvi prish logon ku shfaqet e shkruar “Select”. Në rrjetet sociale, spoti i moderatorit Nikos Mourtsinas është publikuar me datën 11 tetor 2018, çka e përforcon edhe më shumë bindjen e Kelvit se është e kopjuar.
“Përpjekje e bukur” – shkruan krahas videos Kelvi, duke etiketuar edhe kolegët grekë, të cilët nuk kanë reaguar!
