10 ditë më parë, modelja me origjinë shqiptare Emina Cunmulaj solli në jetë fëmijën e saj të dytë, një vajzë që e pagëzoi me emrin Mia Soraya. Modelja na ka ëmbëlsuar me fotot e adhurueshme që ka postuar në rrjetet sociale, ku shfaqet me familjen e saj, si dhe tregon dy vogëlushet teksa përqafohen.
Mirëpo ditën e sotme, Emina na prezanton realitetin e hidhur që trupi pëson pas lindjes. Në postimin e saj të fundit në “Instagram”, modelja na ofron doza të forta të mëmësisë dhe dhimbjet që përjetohen në muajin e parë, të cilat janë po aq të forta sa dhimbjet e lindjes.
“Dashuria dhe dhimbjet pas lindjes. Gjërat që i dimë, por ne si nëna i harrojnë dhe krejt papritur i kujtojmë sërish. Dhimbjet e mitrës kur ushqejmë me gji fëmijën nuk janë shaka, në disa raste dhimbjet janë po aq të fuqishme sa edhe dhimbjet e lindjes, por ne si gra jemi të paarritshme sepse ne luftojmë përkundër çdo gjëje, në mënyrë që fëmijët tonë të jetë të shëndetshëm dhe të marrin vlerat ushqyese që ata meritojnë. Ndjej privilegj çdo herë që ushqej me gji, sepse e di që shumë gra mundohen dhe është e kanë shumë të vështirë” shkruan Emina Cunmulaj.
