Emina Cunmulaj, modelja me origjinë shqiptare e cila është nënë e një vajze dhe pret fëmijën e dytë, duket se është kthyer në shtëpiake me kohë të plotë.
Emina ka treguar gjithashtu se është nga të paktat vajza shqiptare që i pëlqen të ruajë traditat.
Modelja bukuroshe vetëm pak orë më parë ka postuar video dhe foto që e dëshmojnë më së miri këtë gjë.Ajo ka publikuar pamje nga kuzhina e saj ku duket se po gatuan një ushqim tradicional shqiptar, petulla.
“Katunare krenare”- ka mbishkruar modelja mbi videon ku tregon procesin e bërjes së petullave.
“Nëse je vajzë fshati, do të mbetesh vajzë fshati” – shkruan Emina në postimin e saj ndërkohë që tregon pamjet teksa gatuan.
“Barabar, katunare se katunare dhe mburrem” – ka plotësuar më tej shkrimin e saj modelja.
Emina është në muajin e fundit të shtatzënisë së saj të dytë.
