Emily Ratajkowski dha për të gjithë fansat e saj nëmuajin tetor lajmin më të ëmbël, se ishte në pritje të fëmijës së parë me Sebastian Bear-McClard. Përmes disa fotove nudo ajo zbuloi edhe barkun e rrumbullakosur, por ju bëri të qartë ndjekësve se nuk do e zbulojë kurrë gjininë e fëmijës.
“Kur unë dhe im shoq i treguam miqve për shtatzëninë time, pyetja e parë e tyre ishte rreth gjinisë dhe se çfarë do të donim ne që të ishte. Ne duam t’ju përgjigjemi të gjithëve që nuk do të duam ta dimë gjininë derisa fëmija ynë të jetë 18 vjeç dhe ta vendosë vetë”, u shpreh Emily.
Mirëpo një detaj së fundmi i ka bërë fansat të dyshojnë se ajo është në pritje të një djali. Disa ditë më parë, modelja ka publikuar në Instagram disa foto, në të cilat bashkëshorti i saj shihet duke i puthur barkun.
Në foto Ratjakowski shfaqet e veshur me një fustan blu që i qëndronte pas trupi e po ashtu edhe Sebastian me bluzë e pantallona të së njëjtës ngjyrë. Pas publikimit të fotove, fansat shprehen të bindur se Emily “zbuloi” në këtë mënyrë faktin se është në pritje të një djali. Mirëpo asnjë nuk e di sa e vërtetë është kjo, ndaj do të na duhet të presim ende dhe shumë kohë ta mësojmë gjininë e fëmijës.
