Aktorja e njohur e teatrit shqiptar, Ema Andrea ka folur për pendesën më të madhe që ka në jetë. E ftuar në emisionin e Rudinës, Ema foli për marrëdhënien me Sarën e cila aktualisht studion Art dhe Dizajn.
“Sara e ka të pamundur të ketë një profesion që nuk ka kreativitet”, ka thënë Ema. Si edhe për Emën është e pamundur të jetojë një jetë pa ëndërr.
“Shpesh më bëjnë pyetjen ‘Për çfarë je penduar’. I vetmi peng i imi është që nuk arrita kurrë të bëja para mjaftueshëm për të shkolluar jashtë Sarën. Do ta quaja dështim”, ka treguar artistja në bisedën me Rudina Magjistarin.
Aktorja foli edhe për marrëdhënien ne vëllain binjak Enea, i cili sipas saj, ka qenë i vetmi që e ka mbështetur pa kushte.
“Pa një vëlla si Enea nuk do të isha kjo që jam sot. Kur kam pasur gjithë botën kundër, i vetmi që më ka qëndruar pranë ka qenë Enea”, ka thënë ajo duke shtuar që Buçi, siç e ka thirrur gjithmonë, siç ka trupin të madh, ka dhe zemrën.
