Elvana Gjata ndezi motorët, për të pushtuar tregun muzikor me tingujt e këngës së saj më të re “Ku vajti”. Kënga ritmike, e shkruar nga vetë Elvana, ka arritur më shumë se 350 mijë klikime në “Youtube”, ende pa mbushur 24 orë nga publikimi i saj.
Ndryshe nga videoklipet e tjera që ka realizuar, Elvana ka zgjedhur një stil unik për të prezantuar këngën. Ajo shfaqet e veshur bardhë e zi, me një body, pelerinë dhe xhaketë, e rrethuar nga balerinët profesionistë, në klipin e xhiruar vetëm me një sfond të bardhë. Në klipin e xhiruar, Elvana vajton tekstin e këngës, në koreografinë e Albi Nakos.
Elvana përmes një postimi në “Instagram” tregon se i janë dashur orë të gjata në prova, për të perfeksionuar hedhjet në ajër. Madje për pak sa nuk është dëmtuar fizikisht.
“Do biesh, do biesh do thyesh në mes pastaj do ngrihesh. (Ps:Balerinet me kane prit goxha mirë!)” – shkruan këngëtarja.
