Gjithë ai publicitet dhe promovim që iu bë klipit më të ri të Elvana Gjatës, Capital T dhe 2po2, ia ka vlejtur.
Pas publikimit të klipit “Lejla”, me muzikë e tekst nga Flori Mumajesi, bashkëpunimi i shumëpritur doli shumë i veçantë. Por për ta bërë të mundur këtë gjë, Elvana thotë se ka rrezikuar edhe jetën.
Klipin të cilin e ka realizuar MAX Production, shfaq Elvanën mbi trenin me ngjyrë “Lejla”, që në fakt është në lëvizje. Elvana madje kërcen mbi të edhe pse ai është duke ecur me shpejtësi.
Pikërisht për këtë, Elvana para pak çastesh shfrytëzoi llogarinë e saj në “Instagram” për të falënderuar bashkëpunëtorët por edhe për të thënë se rrezikoi jetën për këtë pjesë “për të cilën ja ka vlejtur”.
