Deri para intervistës që dha për mikun e saj Ermal Mamaqi, në shkurt të vitit 2018, na duhet ta pranojmë se kishim tjetër mendim për këngëtaren Elvana Gjata.
Ishim mësuar me Elvanën si një vajzë serioze, punëtore dhe që i përdorte rrjetet sociale për projektet e saj muzikore dhe për fotot artistike me veshjet që gjithkush ia kishte zili.
Por pas emisionit “Xing me Ermalin”, vumë re një tjetër anë të Elvanës atë të një aktoreje fantastike dhe të një humoristeje, që sot ka edhe filmin e saj të parë komedi.
Ajo publikon shpesh video humoristike në Instagram dhe të gjitha janë ideuar nga këngëtarja.
Më poshtë do të shihni 5 herët kur Elvana na ka bërë të qeshim me lot:
1.
Me siguri ju kujtohet momenti kur Elvana nisi të hante me duar në darkën romantike të improvizuar me Ermalin. E si mund t’i harroni këto pamje?
2.
Hera e dytë kur Elvana na bëri të qeshim me lot ishte momenti i xhirimeve për klipin “Mike” me Ledri Vulën dhe John Shahun. Ajo publikoi një video ku shihej në rolin e një mamaje tipike shqiptare, e cila në një anë mallkonte të bijën që nuk vinte në shtëpi, e nga ana tjetër bekonte familjen e fqinjës.
“Elëvana, Elëvana hajde në shtëpi, të shtifsha në dhe, të bëfsha gropën. Zana si je? Të bekoftë zoti ty dhe familjen tënde, uaaa sa bukur dasma pashë fotot..” Elëvana, do të viii atjeee” – shprehej plot humor Elvana.
3.
Vendin e tretë e zë videoja, ku teksa kërcente në shkallët e avionit privat të producentit të saj Poo Bear, Elvana pengohet dhe thuajse bie.
4.
I paharrueshëm ishte edhe momenti kur Elvana zbuloi nofkën që i kishte vënë vetes. Këngëtarja shqiptare postoi disa video, ku shfaqej duke u grimuar dhe në një prej tyre thotë para celularit: “Sa bukur dhia e vogël”.
5.
E fundit por jo më pak e paparë, është një foto ku këngëtarja shqiptare shfaqet në mesin e disa lopëve në Ersekë që i quan “shoqe”.
