Ermal Mamaqi dhe Amarda Toska janë duke përjetuar një ndër periudhat e tyre më të bukura. Ardhja në jetë e vogëlushes Sia duket se ua ka zbukuruar jetën dhe nuk ngurrojnë në çdo moment që ta ndajnë gëzimin e tyre edhe me fansat në rrjetet sociale.
Ndërsa ditën e djeshme të gjithë festonin ditën e Pashkës edhe në shtëpinë e Ermalit është shtruar një tavolinë ku e pranishme ka qenë edhe këngëtarja Elvana Gjata, si një ndër mikeshat e tij më të mira.
Elvana nëpërmjet një postimi në Instastory nga na zbuluar edhe një pjesë të vogël nga shtëpia luksoze e çiftit të njohur.
Nga pamjet e publikuara shihen se ngjyrat mbizotëruese janë e bardha dhe grija e errët, ndërsa në qendër të video-s është Ermali, i cili shfaqet në këndin e pijeve dhe i sugjeron Elvanës se çfarë të pijë. Në sy bie edhe tavolina e shtruar me shumë shije dhe si për t’iu bashkuar atmosferës festive është vendosur një mbulesë e kuqe.
Kujtojmë që Ami dhe Ermali jetojnë në një vilë në periferi të Tiranës, të cilën e kanë blerë vetëm pak vite më parë me një çmim prej 500 mijë eurosh.
