Siç të gjithë mund ta dini, sot është përvjetori i 11-të i Pavarësisë së Kosovës.
Në kuadër të kësaj dite të veçantë është organizuar një koncert nga Anita Haradinaj, ku pritet të performojë ndër të tjerë edhe këngëtarja e njohur Elvana Gjata.
Ndërkohë, vetëm pak përpara nisjes së koncertit është bërë publike edhe veshja e bukuroshes.
Ka qenë dizajneri i famshëm nga Kosova, Valdrin Sahiti ai i cili ka zbuluar look-un e Elvanës për mbrëmjen e sotme.
Në një foto që Sahiti ka postuar, këngëtarja shfaqet mjaft magjepsëse me një fustan blu të mbyllur në pjesën e sipërme dhe një kapele me gjashtë yje të vegjël.
Vlen të theksohet se detajet në veshje, që nga ngjyra deri tek yjet e vegjël, përshtaten më së miri me flamurin e Kosovës.
