Elvana Gjata dhe Capital T ribashkojnë forcat, përgatituni për superhitin e verës

Elvana Gjata dhe Capital T kanë ribashkuar forcat për një projekt të ri, i cili me siguri do të kthehet në hitin e kësaj vere. Pas suksesit të padiskutueshëm të ‘Lejla” artistët janë bërë bashkë për një tjetër këngë. “Prive.al” ka zbuluar se kënga do të publikohet ditën e sotme dhe klipi i saj është realizuar në Turqi.

Dyshja ka qenë mjaft aktivë në rrjetet sociale kohët e fundit, megjithatë ende nuk ka zbuluar se janë duke punuar bashkë dhe kjo do të jetë një surprizë për fansat e tyre.

Mbrëmjen e kaluar Capital T ka publikuar një foto me mbishkrimin, “Qetësi para stuhie”, dhe sigurisht ka ngjallur mjaft kuriozitet tek të gjithë.

Ndërsa Elvana mësohet se sërish ka marrë ekipin e saj me vete për t’u kujdesur për pamjen e saj. Pak ditë më parë stilisti Valdrin Sahiti publikoi një foto mjaft ekstravagante të Elvanës, e cila me siguri do të jetë pjesë e klipit.

Kujtojmë se projektet më të fundit muzikore të artistëve janë pritur mjaft mirë nga publiku dhe renditen në këngët më të dëgjuar të momentit.