Elvana Gjata ia beson gjithmonë performancat e saj koreografit të njohur Albi Nako.
Ai e shoqëron ngado nëpër koncertet në Shqipëri e jashtë saj, me trupën e tij të baletit që dhuron koreografi të papara.
Dhe ja së fundi, Elvana ka kërkuar sërish ndihmën e Albi Nakos, me siguri për ndonjë performancë të zjarrtë që e pret së shpejti.
“Gati për tjetrën”, shkruan Albi.
Ajo që presim ne të shohim së fundi, është performanca e Elvanës në Festivalin e Këngës në RTSH.
Është thënë prej kohësh që këngëtarja do jetë pjesë e festivalit dhe madje është cilësuar edhe si fituese e këtij viti, ende pa nisur festivali.
Nuk dimë asgjë për këngën edhe pse pak ditë më parë, këngëtarja shqiptare publikoi një foto nga zyra e producentit të njohur Nikolaos Giannulidis, i lindur në Gjermani por me origjinë greke!
