Në koncertin e parë të Elvana Gjatës me siguri, që do të donin të ishin prezentë shumë fansa të këngëtares. Por ajo zgjodhi të realizonte një koncert të vogël dhe shumë privat, prej të cilit vështirë se do të mund të shikoni qoftë edhe ndonjë foto.
Elvana vendosi që të mbante sot, më 3 shkurt, pikërisht në ditën e 31-vjetorit, koncertin në të cilin do të mbështetet në performancat e saj nga kantautori Pirro Çako.
Ftesat tashmë janë shpërndarë për vetëm 120 të ftuar, ku mediat shkruajnë se pritet që të shfaqet në krah të saj i fejuari i artistes, një biznesmen i njohur në Tiranë.
Elvana ka punuar këto kohë për interpretimin “live” të krijimeve të reja, të cilat do të jenë ekskluzive për të ftuarit specialë të kësaj mbrëmjeje dhe më pas do shfaqen në një televizion.
Ndërkohë që përflitet, se organizatorët e koncertit kanë vendosur që media të mos jetë e pranishme dhe as përdorimi i telefonave celularë.
