Aktorja e famshme Ellen Page nuk është më femër!
Së fundmi, Page ka bërë deklaratën e papritur për fansat, duke zbuluar edhe sekretin e jetës së saj.
Aktorja ka treguar se në fakt është transgjinor, i cili quhet Elliot.
Madje, Page ka ndryshuar edhe emrin në Instagram duke nisur kështu një epokë të re në jetë.
Në një postim të gjatë në rrjete sociale, Page kërkon t’i drejtohen me “ai” dhe falenderon këdo që e ka mbështetur në këtë rrugëtim të gjatë e të vështirë.
“Përshëndetje miq, dua të ndaj me ju se jam trans, më thërrisni me ai dhe emri im është Elliot. Ndihem me fat që po e shkruaj këtë, që kam arritur këtu. Jam mirënjohës për njerëzit që më kanë mbështetur gjatë këtij rrugëtimi. Nuk mund ta përshkruaj sesa i lumtur jam që më në fund e dashuroj veten time ashtu siç jam. Jam frymëzuar nga shumë komunitete trans”- ka shkruar ndër të tjera Page.
Në një intervistë për “Vanity Fair”, Page është rrëfyer pa dorashka për orientimin seksual dhe gjininë, që e kishte të qartë që kur ishte fëmijë.
“Të gjithë njerëzit trans janë kaq të ndryshëm, dhe historia ime është absolutisht vetëm ‘historia ime’. Por po, kur isha fëmijë i vogël, absolutisht, 100%, isha djalë. E dija që isha djalë kur isha një foshnjë. Shkruaja letra të rreme dashurie dhe po i nënshkruaja ‘Jason’ .Tani më në fund po kthehem duke u ndjerë siç jam unë, është kaq e bukur dhe e jashtëzakonshme, dhe ka dhe një pikëllim në një farë mënyre.”
Elliot, rrëfeu gjithashtu se kishte ndjenja të ndryshme kundërshtie brenda vetes për t’a pranuar publikisht seksualitetin e tij.
