Duhet që celebrities të ndodhen në situata të caktuara që të kuptojmë diçka më shumë për karakterin e tyre. Ky është edhe rasti i këngëtares së njohur Ellie Goulding.
Fjalimi i saj në mbrëmjen e bamirësisë së “Animal Ball” ishte shumë prekës, ndërsa u shpreh se sa të kujdesshëm duhet të jemi në lidhje me mbrojtjen e kafshëve dhe kauzave të tjera.
Mbrëmja dukej se po shkonte në mënyrë perfekte dhe Ellie dukej shumë në formë derisa ajo hyri në festën e organizuar pas eventit. Ishte ky momenti kur këngëtarja e kërcënoi të ftuarën e festës mbrëmjen e së martës se do t’i gjuante me grusht, pasi kjo e fundit i tha se nuk mund të hynte ne zonën VIP.
Telashet për këngëtaren nisën kur shkoi në një zonë të festës, pa e kuptuar që ishte rezervuar. Ellie u shtang nga reagimi i të panjohurës, e cila i tha “që më mirë të mos ngatërrohej me të” dhe u largua për të zënë një vend tjetër.
Më vonë 29-vjeçarja foli eksluzivisht për “Daily Mail”, se nëse do të kishte mundësinë ta kthente kohën prapa do ta godiste të panjohurën në fytyrë dhe do ta ofendonte në të njëjtën mënyrë siç ajo u ofendua. “Ajo femër ishte një “ku**ë”, nuk kam takuar asnjë njeri aq të ligë në jetën time. Nëse më flet sërish do t’i gjuaj me grusht! Ju betohem jam shumë e xhindosur”, u shpreh këngëtarja.
Mesa duket e ftuara nuk e ka njohur këngëtaren e famshme ose ka pasur ndonjë inat personal me të!
Burimi: Daily Mail
