Në vitin 2003, Jennifer Aniston i dhuroi Ellen DeGeneres një tapet “Hello” si e ftuara e saj e parë në emision. Nëntëmbëdhjetë vjet më vonë, një tapet “Mirupafshim” do të ishte më i përshtatshëm. Më 26 maj, bota do të shikojë sesi Aniston bashkohet me DeGeneres në skenën e saj si e ftuara e parë dhe e fundit. Do të jetë pjesëmarrja e 20-të e Aniston në emision.
Sigurisht që do të jetë një moment emocionues për të dy mikeshat e vjetra. Kur ylli i Friends vizitoi shfaqjen për herë të 19-të vitin e kaluar në shtator, u emocionua menjëherë dhe u shfaq duke qarë pasi ishte sezoni i fundit i Ellen.
“Kjo nuk supozohet të jetë emocionale. E marrtë dreqi! Ende jo. Nuk ka mbaruar akoma”, – tha ajo duke fshirë lotët.
DeGeneres dhe Aniston filmuan episodin më 28 prill dhe thuhet se do të përfshijë një paraqitje nga Billie Eilish. Pas xhirimit të episodit, DeGeneres shkroi në Twitter për të reflektuar mbi gjithë udhëtimin e saj.
“Kur filluam në vitin 2003, iPhone nuk ekzistonte. Mediat sociale nuk ekzistonin. Martesa e homoseksualëve nuk ishte e ligjshme. Ne pamë botën të ndryshonte, ndonjëherë për mirë, ndonjëherë jo”, ka shkruar ajo.
“Por çfarëdo që të ndodhte, qëllimi im ishte që shfaqja të ishte një vend ku të gjithë mund të mblidheshim dhe të qeshnim për një orë,” vazhdoi Ellen.
“Të jem e ftuar në jetën tuaj ka qenë privilegji më i madh i jetës sime dhe më ka sjellë gëzim të jashtëzakonshëm. Faleminderit. Faleminderit. Faleminderit.”
