Aktorja shqiptare na ka befasuar të gjithëve me deklaratat e saj se është ngacmuar seksualisht dhe përdhunuar nga aktori dublant Joel Kramer. Gjithë skena ka ndodhur kur aktorja e njohur ishte në moshën 12-vjeçare. Pas deklaratave shokuese ka ardhur edhe reagimi i aktorit, i cili ka mohuar gjithçka.
Në një prononcim për “New York Daily News” ai i ka mohuar të gjitha akuzat e Elizës duke shtuar se këtë e ka bërë vetëm për t’i prishur karrierën.
“Është diçka që unë kurrë nuk do të bëja dhe realisht nuk e kuptoj nga erdhi gjithë kjo. Unë jam absolutisht i pafajshëm… ajo ishte një fëmijë i ëmbël dhe unë e kam trajtuar gjithnjë si vajzën time. Jam absolutisht në shok dhe nuk e di pse ma bëri këtë gjë. Nuk është e vërtetë, është një gënjeshtër”, u shpreh ai.
Ndërkohë Joel u ndal dhe në një detaj të historisë së Elizës teksa ajo thotë se kanë marrë një taksi për të udhëtuar, duke shtuar se kompania e filmave i siguronte makinë dhe nuk kishte pse të përdorte taksi.
“Unë isha ai që e ngiste makinën, kompania më siguron një makinë, çfarë dreqin po flet ajo, absolutisht e çmendur, thjesht nuk e kuptoj, ji i mirë me dikë, trajtoje mirë dhe kjo është ajo që ndodh”, pohoi ai më tej.
“Mendoj se ajo ka dashur të shkatërrojë karrierën time, por unë kurrë nuk kam bërë diçka të tillë”, tha Kramer.
