Vitet e fundit, në Shqipëri është rritur ndjeshëm numri i femrave në timon dhe tashmë është mëse normale të shohësh një femër duke i dhënë makinës.
Ditën e sotme, moderatorja Elita Rudi ka provuar të jetë shofere, duke marrë edhe Gjikon pasagjer.
Mirëpo ky i fundit është tmerruar gjatë rrugës, kur teksa bënte video me bashkëshorten, trembet dhe e ul kamerën.
Gjiko dëgjohet t’i thotë Elitës të ecë më ngadalë, pasi para tyre kishte makina të tjera.
“Kadalë, kadalë”- thotë reperi, ndërsa Elita nis të qeshë.
Mirëpo, nuk mbaron me kaq!
Në një tjetër video, Gjiko tregon se është lidhur me rripin e sigurimit dhe teksa filmon veten, bërtet:
“A ka më rripa për mua?”
Mesa duket, Elita është ende duke ia marrë dorën dhe akoma nuk i jep aspak siguri Gjikos në makinë.
Kujtojmë se në shkurt të këtij viti, moderatorja dhe reperi u bënë prindër të një vogëlushi, të cilit i vunë emrin super të veçantë, Zëri.
