Moderatorja Elita Rudi dhe reperi Gjiko do të kurorëzojnë dashurinë e tyre në martesë me 21 shtator. Vetëm një ditë pasi tregoi se do të ndjekin traditat e dasmave, Elita tregoi këpucët që do të mbajë veshur në këtë ditë dhe janë shumë moderne.
Përmes një fotoje të publikuar në Instagram, moderatorja tregoi se ka zgjedhur këpucët e markës “Jimmy Choo” me perla dhe saten.
Dhe sa i kanë kushtuar? “Iconstyle.al” zbulon përmes kërkimeve se këpucët kushtojnë plot 1495 euro.
“Sacora” është një sandale stil “vintage” e cilësisë më të mirë me saten të bardhë dhe e mbuluar e gjitha me perla. Prerja në formë “V”-je dhe rripi i hollë te kyçi e bëjnë këtë sandale idealen për ditën e martesës. Detaji kryesor është perla e madhe e vendosur në pjesën e sipërme.
Një ditë më parë Elita tregoi një foto nga dhoma, që dukej se ishte “pushtuar” nga kompletet me çarçafë, centro, kuvertat apo peshqirët, që moderatorja do të dërgojë në shtëpinë e bashkëshortit. Tradita është që nusja duhet t’i ketë qëndisur me grep vetë çdo detaj, por nuk besojmë se Elita ka pasur kohë për këtë!
