Mbrëmjen e djeshme në emisionin “Xing me Ermalin” ishte i ftuar çifti simpatik Elita Rudi dhe Gjiko.
Moderatorja bukuroshe zbuloi gjatë emisionit se si ishte njohur me Gjikon dhe se historia e tyre ishte një dashuri me shikim të parë.
“Ne për herë të parë jemi takuar për shkak të një interviste që kemi pas për të realizuar. Fjalia e parë që më ka thënë kur jemi takuar ka qenë ‘Kur t’i bësh flokët e zeza ke për t’u bërë gruaja ime’, sepse unë ateherë isha bionde”, rrëfeu Elita.
Pasi u lidhën Gjiko i bëri dhuratën e parë Elitës, dhe nuk do ta imagjinoni dot se çfarë ishte.
“Për ditëlindjen time më ka blerë një bojë flokësh dhe më tha ‘Kjo është dhurata ime për ty’”, u shpreh duke qeshur moderatorja simpatike.
Epo me sa duket Gjiko ka pasur aq shumë dëshirë që ta shihte Elitën brune saqë mori guximin që dhuratën e parë ta niste me një bojë flokësh.
