3 marsi ishte një ditë e bekuar për Elita Rudin dhe Gjikon! Dyshja u bënë prindër për herë të dytë, këtë herë me një vajzë bukuroshe. Të voglën ata e pagëzuan me emrin Bota dhe menjëherë pas lindjes i hapën një llogari në rrjete sociale njësoj si vëllait të madh, Zërit.
Edhe pse kanë kaluar 3 javë nga ardhja në jetë e vogëlushes, ajo nuk është njohur ende me njerëzit e saj të afërt. Për këtë arsye ditën e sotme, Elita dhe Gjiko kanë udhëtuar drejt Pejës për të prezantuar të voglën me gjyshe Lirijen. Kjo e fundit kishte përgatitur një festë speciale për mbesën, duke zbukuruar të gjithë shtëpinë për të. Gjithashtu ajo kishte përgatitur edhe një tortë enkas për të voglën, në të cilin kishte shkruar: “Mirë se erdhe Bota tek gjyshja”.
Nëna e Gjikos ka ndarë edhe një foto shumë të ëmbël, në të cilën shfaqet e lumtur përkrah mbesës duke e mbajtur në krahë. Lirija ka publikuar për herë të parë edhe një foto të plotë të familjes së plotësuar të Elitës dhe Gjikos.
Elita ka treguar më herët se vogëlushen e saj e solli në jetë me operacion, sepse doktori nuk i kishte rekomanduar lindje natyrale, duke qenë se 2 vite më parë lindi edhe Zërin me operacion. Moderatorja ka thënë se gjatë shtatzënisë me Botën ka shtuar 18 kilogramë dhe se nuk e ndjen veten gati për t’u rikthyer në ekran.
