Elia Zaharia dhe Princ Leka ishin të ftuar në Paris, në Best Awards Gala, një mbrëmje çmimesh që organizohet në Hotelin Four Seasons George V, ku Elia Zaharia ka qenë, mes disa personaliteteve, një nga fitueset e çmimit Best. Kjo mbrëmje gala këtë vit festonte numrin e plotë 40 në traditën e saj.
“Duke marrë çmimin Best në edicionin e 40 të Best Awards në Paris ☺. Personaliteti i parë shqiptar që ka marrë këtë çmim ka qenë Nënë Tereza. Në këtë 40 vjetor disa nga personalitetet e tjerë qe iu akordua ishin Marisa Berenson, Clotilde Coureau, Pamela Anderson, Melissa George, Lola Karimova, David Ginola etj. Dhe sigurisht në raste të këtij niveli prezantimi, një nga qëllimet kryesore është promovimi i vendit në të gjitha dimensionet. Ndaj falënderoj stilisten Blerina Kllokoqi Rugova për këtë fustan mbrëmjeje të mrekullueshëm”, shkruan Elia Zaharia.
