Vajza e vetme, Marina, është pika e dobët e këngëtares Eli Fara.
Nisur nga shkrimet mbi jetën private të vajzës së saj, Eli ka thënë se përpiqet që të mos u japë rëndësi, por, natyrisht, si ҫdo prind, edhe ajo nuk ndihet mirë për komentet e jetës së saj në media e portale.
Eli Fara ka qenë e ftuar mbrëmjen e djeshme në Top Show ku ka treguar edhe një këshillë që i jep vajzës për të gjetur partnerin.
Ajo ka thënë se bashkëshortin e vajzës së saj e do nga Korça.
“Unë i them që duhet të jetë patjetër korçar”, ka pohuar këngëtarja.
Vëmendja e madhe mediatike që Marina ka marrë kohët e fundit është fokusuar kryesisht në statusin e saj privat.
Pak muaj më parë, u mësua se Marina shpalli fejesën me një biznesmen të njohur në Tiranë dhe vetëm pak ditë më parë, mediat postuan lajmin se ajo i ka dhënë fund fejesës dhe tashmë ka krijuar një lidhje të re.
