Egla Ceno është fituese e Big Brother Albania VIP 3, e cila fiku dritat e shtëpisë dhe fitoi çmimin e madh prej 100 mijë eurosh. Aktorja është gruaja e parë që fiton edicionin VIP të këtij “reality show”, që na mbajti të mbërthyer para ekranit, për katër muaj e gjysmë.
Sot ajo ka bërë edhe reagimin e parë në rrjete sociale ku ka shprehur falenderim dhe mirënjohje për të gjithë që e kanë mbështetur. Ndërsa këtë pasdite ka zgjedhur të postojë edhe një video të bukur me momentin kur vëllezërit e saj mësojnë live nga shtëpia se Egla u shpall fituese. Ata shihen teksa kërcejnë nga gëzimi.
”Kush ka vëllezër, botën ka”, shkruan ajo në postim.
