Këngëtarja me origjinë shqiptare, Eleni Foureira, do të përfaqësojë Qipron këtë vit në festivalin “Eurovision”. Ajo shpesh është përfolur në mediat shqiptare, pasi në fillimet e karrierës, mohoi origjinën shqiptare.
Eleni vendosi që të ishte e sinqertë për arsyen e këtij vendimi pak kohë më parë, duke rrëfyer se lidhej me diskriminimin.
Këngëtarja shqiptare është shprehur gjatë një interviste në Greqi se udhëton shpesh Shqipërinë, për të vizituar gjyshërit e saj, të cilët ndodhen në vendlindje.
“Ne jemi katër motra e vëllezër, familje e madhe. Më kujtohen vite të bukura, pa gjëra të shëmtuara. Dhe papritur më kujtohet që ndryshon gjithçka. Nisi lufta. Me plumba, me dhunë”, thotë ajo, duke kujtuar periudhën e vështirë që ka kaluar gjatë fëmijërisë.
