Anxhela Peristeri ka përfaqësuar Shqipërinë me “Karma” sonte në finalen e “Eurovision”, ku shkëlqeu me performancën e saj.
Ajo dhuroi spektakël të vërtetë dhe na përfaqësoi denjësisht, duke e djegur skenën dhe duke i merituar të gjitha duartrokitjet e publikut.
Të gjithë shqiptarët që jetojnë jashtë shtetit, në vendet e renditura në listë, mund të votojnë numrin 02 për Shqipërinë, në numrat e telefonit të afishuar. Votimi zgjat vetëm 30 minuta, ndaj nxitoni!
View this post on Instagram
Një mbështetje të madhe këngëtares Anxhela Peristeri i ka dhënë edhe këngëtarja me origjinë shqiptare, Eleni Foureira, e cila ka përfaqësuar më herët Qipron në Eurovision.
Ajo ka ndarë në InstaStory me të gjithë ndjekësit e saj foton e Peristerit, duke i uruar suksese në finale.
Në intervistën e fundit për ‘Prive‘ , Anxhela ka treguar momentet si pjesmarrëse në festivalin e madh të këngës evropiane, duke mos lënë pa përmendur as sulmet e marra nga mediat serbe për simbolin shqiptar të cilësuar si të turpshëm.
Peristeri tregoi se këngët e saj të preferuara janë katër: Greqi, Itali, Francë dhe Maltë, ku dha dhe një mendim për këngëtaret serbe.
“Janë tre vajza shumë simpatike të cilat i kam takuar. Mendoj që është një këngë hit, një këngë që po ecën shumë mirë dhe është shumë e dashur nga fansat dhe i uroj gjithë të mirat dhe përfaqësuesve të serbisë,”- u shpreh këngëtarja përpos komenteve nga mediat serbe.
Në lidhje me kualifikimin e saj në natën finale, Anxhela tha se deri diku e priste këtë vendim, sepse të dyja provat janë pritur shumë mirë dhe publiku i ka vlerësuar.
“Do mundohem të bëj më të mirën në skenë që kjo performancë të dalë shuëm mirë, pastaj për atë gjë nuk kam ndonjë parandjenjë ose ndonjë përllogaritje, sepse asnjëherë nuk i dihet në një peticion, në një konkurs”,- tha Anxhela.
