Këngëtarja me origjinë shqiptare, Eleni Foureira ka qenë e përzgjedhura për të hapur koncertin e këngëtarit të njohur, Malumës, në Athinë.
Ndonëse temperaturat kanë qenë disa gradë nën zero, ajo ka ditur si t’ia vendosë “zjarrin” vendit.
Përveç të pranishmëve në koncert, Eleni ka rrëmbyer dhe vëmendjen e mediave të cilat kanë përshkruar performancën e saj, duke e cilësuar si “shpërthyese”.
“Ajo bëri hapjen e koncertit në OAKA të mbushur plot të premten mbrëma, duke argëtuar të pranishmit në mënyrën e saj unike. Ndonëse i ftohti ishte i hidhur, Foureira ishte një zjarr përmes veshjes transpartente dhe plot kristale me të cilën zgjodhi që të ngjitej në skenë,” shkruan Protothema.
Bukuroshja brune ka elektrizuar skenën, ndërsa veshja e tejdukshme i vinte në pah format fizike perfekte.
Këngëtarja prezantoi kërcime unike, duke kënduar disa nga hitet e saj si “Aeraki”, “Try Me”, “El Ritmo Psicodélico”, “Fuego”, “Sto Theo Me Paei”, “Caramela” dhe “Ti Koitas” si dhe hite të huaja, si “What is love?” dhe “Like A Prayer”.
Rikujtojmë se gjatë një interviste Eleni Foureira ka rrëfyer se është larguar nga Shqipëria mjaft e vogël, në momentin kur po zhvillohej lufta civile.
Këngëtarja gjithashtu u shprehe se ditën kur ka dalë nga shtëpia për të ikur për në Greqi, ka filluar të qajë, pasi ishte e vështirë për të që të largohej nga vendi i saj.
