“Eleganca është e vetmja bukuri që nuk zbehet”. Këtë shprehje të Audrey Hepburn që sot është himn për çdo femër dhe mashkull me stil, nuk mund ta harrojmë kur zgjedhim aksesorët.
Këto ditë, pak kompani prodhojnë ora me cilësi të lartë që njerëzit, në të vërtetë mund t’i përballojnë.
“Swatch” e ka zgjidhur këtë problem në një mënyrë mjaft elegante. Kompania mendon për ju që keni nevojë, për një orë të thjeshtë dhe të sofistikuar për ta kombinuar lehtë me çdo veshje.
Koleksioni i orëve “Swatch” që quhet “Skin”, paraqet stile të reja për meshkujt dhe femrat që e duan elegancën gjithmonë, jo vetëm në muajt e verës. Orët vijnë me një larmi ngjyrash dhe një dizajn i frymëzuar nga koncepti minimalist dhe i lehtë për t’u përdorur dhe kombinuar.
Ne po ju prezantojmë tre ora që janë “Bestseller”, ose më të shiturat nga ky koleksion:
Ora SKINSPARKS në ngjyrën blu, që është epiteti i elegancës, është padyshim më e hollë sesa çdo orë tjetër që keni mbajtur ndonjëherë. E prodhuar në një material silikoni dhe mjaft rezistent ndaj ujit, kjo orë uniseks është një nga më të preferuarat nga koleksioni “Skin” i “Swatch”. Fusha blu e orës i bashkëngjitet një rripi blu silikoni, perfekt për të shfaqur stilin tuaj praktik dhe sportiv në verë dhe vjeshtë. Me një diametër 40mm dhe një rrip mjaft fleksibël, ora do t’ju shoqërojë në daljet tuaja në darkë, në kafet e paradites, punë, apo edhe në palestër.
Ora SKINSKIN në ngjyrë nude, ose të ngjashme me ngjyrën e lëkurës, është një nga aksesorët më tërheqës për femrat. Ngjyra të krijon lehtësi në kombinim dhe prakticitet. Nuk ka rëndësi nëse vishni një fustan të kuq, një xhaketë të zezë apo bluzë të bardhë sportive. Ora SKINSKIN ju shoqëron me veshjen e ditës. Kjo falë thjeshtësisë që e karakterizon dhe prakticitetit, që të fal materiali prej silikoni. Ndriçimi dhe eleganca përcillet nëpërmjet një rripi mat nude, që është perfekt për t’i dhënë ngjyra, ditëve të verës dhe të vjeshtës.
Ora SKINNOIR me një dizajn mjaft të hollë dhe elegant vjen me një stil minimalist, që u frymëzua nga kërkesat moderne: eleganca, ndriçimi, liria e shprehjes. Kjo orë që do të fitojë zemrën tuaj me dizajnin bashkëkohor dhe jo të komplikuar sa i përket teknologjisë, ka një diametër 40 mm dhe fushën e bardhë që e bën të lehtë të vlerësoni çdo moment ku jeni, falë kronometrit të saj.
Eleganca e këtij koleksioni të “Swatch”, sjell te ju aksesorë unikë, ku gjithkush mund të gjejë çelësin drejt elegancës, pa qenë nevoja të mbani dietë. Tre modelet mjaft të këndshme dhe të rehatshme, do të mund t’i gjeni në dyqanin “Swatch”, në Qendrën Metropol në rrugën “Sami Frashëri” dhe në Qendrën TEG.
Burimi: Iconstyle.al
