Eskorta e kryeministrit të vendit Edi Rama ditën e sotme në rrethrrotullimin e Bradasheshit në Elbasan raportohet se është goditur me gurë.
Dhjetëra mbështetës të Partisë Demokratike, por jo vetëm ishin përgatitur t’i bllokonin rrugën kryeministrit dhe thuhet se ka pasur një përplasje të fortë mes tyre dhe forcave speciale të ardhura enkas nga Tirana.
Rama ndodhet në Elbasan në kuadër të takimit “Bashkia që Duam”, që po zhvillohet aktualisht në Sheshin Gensher. /balkanweb.com
