Një 18-vjeçar shqiptar ka ndërruar jetë në Greqi pasi është qëlluar për vdekje me armë zjarri. Ai është Marios Isa, nga Leskoviku.
Ngjarja ndodhi gjatë natës në Kavalla, ku i riu shqiptar ishte rritur, kishte ndjekur gjimnazin dhe më pas kishte nisur shkollën e lartë.
“Kavala News” shkruan se viktima mori një goditje të vetme në shpinë, që i shkaktoi vdekjen e menjëhershme, ndërkohë që bëhet me dije se qitësi ishte profesionist.
Sipas mediave greke, i riu mbante në dorë disa kartëmonedha 50 euroshe kur është qëlluar me dy plumba çka ka shtruar edhe pistën e grabitjes.
Ai ishte lojtar i një ekipi futbolli grek dhe luante me ekipin e futbollit të Heracles në Kavala.
Hetimet vijojnë për të zbardhur ngjarjen dhe gjetur autorin e këtij krimi. Trupi i viktimës u transferua në spitalin e Kavallës, ku do t’i nënshtrohet ekspertizës mjeko-ligjore.
