Muzeu i “Artit Modern” prezantoi vitin e kaluar (7 mars – 7 qershor 2015) një retrospektivë të punës shumë dimensionale të kompozitores, muzikantes dhe këngëtares Björk. Ekspozita shfaq projektet e guximshme dhe inovative në më shumë se 20 vite karrierë, 8 albume ku shfaqet në kronikë puna e saj përmes muzikës, filmit, instrumenteve, objekteve dhe kostumeve.
Në hollin e muzeut janë vendosur instrumentet e përdorura në “Biophilia” (2011) të cilat luajnë muzikë nga albumi në pjesë të ndryshme të ditës. Në katin e dytë, në atriumin “Marron”, janë ndërtuar dy hapësira; njëra është në funksion të një instalacioni për këngën e re të Björk “Black Lake”, pjesë e albumit të saj “Vulnicura” (2015), pjesa tjetër është një dhomë-kinema që shfaq retrospektivën e videoklipeve nga albumi “Debut” (1993) e deri te “Biophilia”.
Në katin e tretë është instaluar një audio me një përmbajtje sa personale, po aq edhe poetike, e shkruar nga autori i mirënjohur Sjón. Po ashtu në këtë kat janë vendosur shumë objekte , kostume, përfshirë këtu robotët e dizenjuar Chris Cunningham për videoklipin “All Is Full of Love”, fustani i “Mjelmës” nga stilisti Marjan Pejoski (2001) dhe fustani i dizenjuar nga Iris Van Herpen’s për turneun e albumit “Biophilia” (2013).
Si mund ta varësh një këngë në një mur?
Ky ishte shqetësimi krysesor i Björk, kur Klaus Biesenbach, shefi kurator aktual i muzeut të “Artit Modern”, i propozoi asaj hapjen e një ekspozite rreth punëve të saj. Megjithatë Björk, në punën e saj ka përfshirë gjithmonë muzikën.
(Modele e Marc Jacobs inspiruar nga Björk)
“Björk ishte artistja paradigmatike e viteve ‘90-të – deklaron Biesenbach, – por para 15 vitesh, një ekspozitë e Björk do kishte qenë vetëm një retrospektivë e videoklipeve të saj, tani ka shumë më shumë”.
Björk është një nga artistet që ka eksperimentuar me lukun e saj, si në veshje, ashtu edhe në modelet e flokëve. Këto modele janë bërë muzë për shumë stilist në sfilatën e tyre të pranverës, sidomos Marc Jacobs.
Kur Björk u shfaq në “Academy Awards” (2001) e veshur me një fustan që dukej sikur i ishte varur një mjelmë rreth qafës, u bë lajmi kryesor qesharak i tapetit të kuq. Pas kaq vitesh, fustani famëkeq rikthehet në muzeun e “Momës”.
Robotët e dizajnuar nga Chris Cunningham për videoklipin “All is full of love”.
