Ditën e sotme, u mbajt në Pallatin e Kongreseve masterclassi i parë grimierit me origjinë shqiptare Mario Dedivanovic në Tiranë. Më shumë se 2000 persona, ndoqën nga salla këshillat e Marios për një make-up perfekt.
Ndryshe nga herët e tjera, kur Mario shoqërohet nga ylli i “Keeping Up With The Kardashian” Kim Kardashian, këtë herë ai kishte përzgjedhur një modele.
Por përzgjedhja nuk ishte rastësore, pasi vetë Mario kishte zgjedhur një modele, e cila i ngjasonte nënës së tij kur ishte e re.
Griemieri shqiptar ndau me të pranishmit dy sekrete në lidhje me make up-in. Fillimisht Mario Dedivanoviç tregon se pasi të mbaroni me pluhurat te sytë, të përdorni një furçë të pastër dhe të lyer vetëm me pak pudër, në këtë mënyrë do të keni një makijazh të pastër. Si dhe nëse keni sy të vegjël, atëherë nuk duhet ta përdorni në pjesën e sipërme të qepallës lapësin e zi, por vetëm në pjesën e brendshme.
Jeni kurioz për të parë rezultatin përfundimar? Mos u shqetesoni, pasi “iconstyle.al” ka siguruar të fotografojë nga afër modelen e kuruar nga Mario.
Rreth 10 kamera ishin vënë në dispozicion të eventit, të cilat nën regjinë e Iv Tases, arritën të kapnin çdo moment të grimit në mënyrën më të qartë.
