Zgjedhja e Rita Orës me fustanin e zi, nga koleksioni i fundit i shtëpisë së modës “Ralph & Russo”, ishte perfekte. Këngëtarja shqiptare u vlerësua për veshjen e saj në tapetin e kuq të “Grammy Awards”, si një nga personazhet e veshur më bukur.
Pavarësisht se pati një incident të vogël, pasi këngëtares së hitit “Anywhere” iu zbuluan të brendshmet e zeza, fustani i saj i hipnotizoi të gjithë.
Fustani i zi kadife me një shpatull është epitomi e magjepsjes. Rita Ora është e parë që shfaqet me fustanin e koleksionit të fundit pranverë/verë 2018, të shtëpisë së modës “Ralph & Russo”.
Marka e njohur ka veshur së fundmi Meghan Markle, kështu që mund ta kuptoni se bën veshje vetëm për emrat e mëdhenj të botës së modës.
Fatmirësisht për Rita Orën, ajo u vlerësua si magjike ndërsa eci në tapetin e kuq të “Grammy Awards” me fustanin e markës, të zbukuruar me kristale argjendi.
Fustani luksoz nuk është i disponueshëm online, por “iconstyle.al” vendosi të kontaktonte faqen zyrtare të markës së njohur të modës për të marrë më shumë informacione lidhur me të.
Në përgjigjen zyrtare të marrë nga përfaqësuesja e “Ralph & Russo” thuhet se fustani ka një kosto prej 39,800 paund (përfshirë TVSH-në).
Gjithashtu një tjetër detaj që jepet nga marka e njohur është fakti, që si një fustan i linjës “haute-couture”, këngëtares shqiptare i janë dashur rreth 3 muaj ose më shumë për t’u përfunduar, pasi janë marrë përmasat trupore.
Rita Ora kishte zgjedhur një makijazh shumë natyral, me buzët e kuqe.
