Vetëm pak ditë më parë ndodhi një krim makabër brenda familjes në qytetin e Peshkopisë. 26-vjeçari Qemal Sela në kushte të rënduara psikologjike qëlloi me armë zjarri dy prindërit e tij, Fatmir dhe Zeqimete Selën duke iu shkaktuar vdekjen.
I riu kishte vetëm një ditë që ishte kthyer nga Anglia, ku kishte jetuar për gati 7 vite. Sipas raportimeve Sela para se të vinte në Shqipëri ishte shtruar në një spital të shëndetit mendor.
Një burim pranë familjes së të riut ka pohuar për “Iconstyle.al”, se Qemali pasi u kthye nga Anglia u nis me taksi nga Tirana deri në Dibër. Në mes të rrugës kishin dalë që ta prisnin familjarët e tij.
Zënka e parë e Qemalit kishte ndodhur me taksistin të cilit i ulëriste se përse duhej ta paguante kur ai nuk e njihte. Duke qenë se situata mes tij dhe taksistit ishte përkeqësuar kishte ndërhyrë vëllai i Qemalit për të qetësuar.
Burimi pranë familjes ka thënë për “Iconstyle.al” se në momentin që ai kishte arritur në shtëpi kishte filluar të kërkonte rrobat e tij dhe te bërtiste me të madhe. Duke parë gjendjen e tij të rënduar kunata e tij kishte kërkuar që ai të largohej menjëherë nga shtëpia, por prindërit nuk kishin pranuar se i druheshin faktit se mos e merrnin vesh njerëzit që ai ishte i sëmurë.
Në kushte të rënduara psikologjike ai ka qëlluar me armë mbi prindërit, duke i lënë të dy të vdekur, ndërsa anëtarët e tjerë të familjes janë larguar me vrap për t’iu shpëtuar plumbave.
Në deklaratën që ka dhënë pranë policisë ai ka thënë se i vrau prindërit se i kishin vjedhur lekët.
“Po më dilnin disa persona para me maska dhe po më bënin vaksina”, ka thënë 26-vjeçari në dëshminë e tij.
Qemal Sela tashmë është arrestuarnga policia dhe pritet që të merret edhe vendimi në lidhje me të.
