Pak minuta më parë këngëtarja e dashur për publikun, Anxhela Peristeri publikoi në Instagram një foto që ka ngjallur shumë komente në rrjet.
Në foto këngëtarja shfaqej e veshur me fustan të bardhë të përshtatur me një model flokësh për nuse dhe bënte tag një prej agjencive më të njohura të dasmave në vendin tonë.
Mjaftoi ky postim dhe një lumë komentesh ka vërshuar.
Ndjekësit e saj menduan se këngëtarja është martuar, megjithatë duket se pas fotos fshihet diçka që do i surprizojë fansat e saj.
E kontaktuar nga “Iconstyle.al” Anxhela Peristeri ka zbuluar se nuk është martuar, por fotoja është shkrepur gjatë xhirimeve të klipit të saj më të ri.
Anxhela shtoi se kënga do të jetë në bashkëpunim me një emër të njohur të ekranit, i cili do të shfaqet në fund të klipit si special guest.
Projekti i këngëtares do të vijë pas një sezoni të gjatë të mbushur me dasma dhe duket se edhe veshja e saj do të jetë frymëzuar nga ceremonitë e shumta që Anxhela ka marrë pjesë si këngëtare.
